Բեռլինի օդանավակայաններում հարյուրավոր չվերթեր են չեղարկվել գործադուլի պատճառով
Ավիաընկերությունները Բեռլինի երկու օդանավակայաններում 660 չվերթ են չեղարկել եւ հետաձգել ցամաքային անձնակազմի 25-ժամյա գործադուլի պատճառով, որն սկսվել է տեղական ժամանակով ժամը 04:00-ից (Երեւանի ժամանակով ժամը 07:00-ից): Այդ մասին հայտնել է Բեռլինի ավիահանգույցի մամուլի ծառայությունը:
Մասնավորապես, գործադուլը հանգեցրել է Շենեֆելդի օդանավակայանում 195 եւ Թեգելում՝ 465 չվերթերի չեղարկման:
Արհմիությունում նաեւ տեղեկացրել են, որ Բեռլինի օդանավակայանների վերգետնյա ծառայությունների Verdi արհմիությունը որոշում է ընդունել ցամաքային անձնակազմի՝ մարտի 13-ին սկսված գործադուլը, որն ամբողջովին կաթվածահար է արել Գերմանիայի մայրաքաղաքի հետ ավիահաղորդակցությունը, երկարացնել մինչեւ մարտի 15-ի առավոտյան:
Ինչպես նշվում է հայտարարության մեջ, գործադուլը պետք է տեւի մինչեւ մարտի 15-ի ժամը 05:00-ն (Երեւանի ժամանակով ժամը 08:00-ն), թեեւ սկզբում ենթադրվում էր այն ավարտել մարտի 14-ի առավոտյան, հաղորդել է ՏԱՍՍ-ը:
