Հայտնի է Մերկելի և Թրամփի հանդիպման օրը
Գերմանիայի կանցլեր Անգելա Մերկելն ու ԱՄՆ նախագահ Դոնալդ Թրամփը կհանդիպեն Վաշինգտոնում մարտի 14-ին։ Այս մասին հայտնել է Գերմանիայի կառավարության պաշտոնական ներկայացուցիչ Շտեֆեն Զայբերտը։
«Կանցլերը մարտի 14-ին բանակցություններ կվարի նախագահ Թրամփի հետ Սպիտակ տանը»,- ասել է Զայբերտը։
Նա հրաժարվել է ներկայացնել ապագա այցի ծրագրի մանրամասները՝ վկայակոչելով նրան, որ դա դեռ քննարկման փուլում է։
Թեմաները, որոնք կքննարկվեն, երկկողմ հարաբերություններն են, տրանսատլանտյան հարաբերությունները, ՆԱՏՕ-ում ապագա գործընկերությունը։
