Էդվարդ Նալբանդյանը ԱԳՆ առաջին աստիճանի պատվո մեդալ է հանձնել Արցախի արտգործնախարարին
Մարտի 3-ին արտաքին գործերի նախարար Էդվարդ Նալբանդյանը հանդիպել է Արցախի արտգործնախարար Կարեն Միրզոյանին, ով Երևանում է Հայաստանի ԱԳՆ ղեկավար կազմի, արտերկրում Հայաստանի դեսպանների, միջազգային կազմակերպություններում մշտական ներկայացուցիչների և գլխավոր հյուպատոսների հավաքին մասնակցելու նպատակով:
Ինչպես տեղեկացնում են ԱԳՆ լրատվության և հասարակայնության հետ կապերի վարչությունից, քննարկվել են Հայաստանի դիվանագիտական ներկայացուցչությունների ղեկավարների հերթական հավաքի արդյունքները:
Ի նշանավորումն Կարեն Միրզոյանի՝ Հայաստանի և Արցախի արտաքին գործերի նախարարությունների միջև համագործակցության ամրապնդման գործում նշանակալի դերի և զգալի ավանդի՝ Էդվարդ Նալբանդյանը Արցախի արտգործնախարարին հանձնեց ՀՀ ԱԳՆ առաջին աստիճանի պատվո մեդալը:
