ՌԴ ԱԳՆ-ն՝ Արցախում լարվածության մասին
ՌԴ արտգործնախարարության մամուլի խոսնակ Մարիա Զախարովան երեկվա ճեպազրույցում լրագրողների հետ հարցուպատասխանի ժամանակ անդրադարձել է նաև Լեռնային Ղարաբաղի հակամարտության կարգավորմանը։
Նրան հարց են տվել վերջին օրերին արցախա-ադրբեջանական հակամարտ զորքերի շփման գոտում ունեցած բախումների մասին։
Հարցին, թե արդյոք չի կարծում Ռուսաստանը՝ որպես բանակցային գործընթացի ակտիվ մասնակից, որ անհրաժեշտ է կողմերին կոչ անել դադարեցնել կրակն ու նստել բանակցային սեղանի շուրջ, Զախարովան տվել է հետևյալ պատասխանը. «ՌԴ արտաքին գործերի նախարարությունը աշխատանքային շփումներ է պահպանում կողմերի հետ։
Դուք գիտեք մեր սկզբունքային դիրքորոշումը, որն ուղղված է Ղարաբաղի շուրջ իրավիճակի կարգավորմանը բացառապես խաղաղ միջոցներով։
Մենք հետևում ենք այդ սկզբունքային դիրքորոշմանը, որը ամրագրված է նաև փաստաթղթերով»։
