Եղունգների ձևի և մարդու ճակատագրի միջև կապը

Մեր բնավորությունն ու ճակատագիրը կախված են բազմաթիվ գործոններից։ Greatpicture.ru կայքը գրում է, որ բնավորության մասին շատ բան կարող է վկայել նաև եղունգների ձևը։

1. Քառակուսի եղունգներ։ Այսպիսի մարդկանց հիմնականում հատուկ են այնպիսի անձնային հատկություններ, ինչպիսիք են սրամտությունը, հետաքրքրասիրությունը, բարձր ինտելեկտուալ կարողությունները, ուշադրությունը։ Կարգուկանոն են սիրում։ Բոլոր խնդիրներին և անհաջողություններին փիլիսոփայական տեսանկյունից են մոտենում։ Եղունգների այսպիսի ձևը վկայում է նաև այն մասին, որ միտքը գերիշխում է զգացողություններին։

Դրա շնորհիվ այսպիսի մարդիկ հաճախ լիդերներ են դառնում և ամբողջ կյանքում այնպիսի հատկություններ դրսևորում, ինչպիսիք են նպատակասլացությունը, համառությունը, վճռականությունը, քաջությունն ու անկախությունը։ Այսպիսի մարդկանց ներսում մշտապես պայքար է ընթանում. հոգում բազմաթիվ հակասություններ կան։ Այդ պատճառով էլ նրանք կարող են լավ խորհուրդ տալ բոլորին՝ բացի անձամբ իրենցից։

2. Ուղղանկյուն եղունգներ։ Որպես կանոն՝ շատ աշխատասեր են, կարողանում են շատ բան անել։ Առանձնանում են այնպիսի հատկություններով, ինչպիսիք են մաքսիմալիզմը, միամտությունը, լավատեսությունը, բարությունը, զգացմունքային առումով բաց լինել, բոլորին և ամեն ինչ իդեալականացնելը։ Չնայած այդ մարդիկ սովոր են հույս դնել ճակատագրի վրա, նրանք գրեթե միշտ հասնում են իրենց ուզածին։ Կյանքի ճանապարհով քայլում են՝ հույս դնելով միայն իրենց սեփական ուժերի վրա. աջակցության կարիք չունեն։ Հաճախ են խաբվում ավելորդ միամտության և վստահության պատճառով։

3. Սուր վերջացող եղունգներ։ Հիմնականում ստեղծագործ անձինք են։ Այս անձանց բնորոշ են այնպիսի հատկություններ, ինչպիսիք են ոչ ստանդարտ մտածողությունը, երազկոտությունը, ստեղծագործականությունը, սերն ազատության հանդեպ, կրքոտությունը, անհամբերությունը, արագ և լուրջ տարվելը, ինչպես նաև տպավորվող լինելն ու խոցելիությունը։ Այսպիսի անձանց համար երկրային հարստությունները ոչինչ են՝ հոգեկան արժեքների համեմատությամբ։

4. Կլոր եղունգներ։ Զգացմունքային են, հակված սենտիմենտալության։ Ապրում են իրենց իսկ մտածած կանոններով, հավատում են իրենց իդեալներին, ձգտում են արդարության և տանել չեն կարողանում դաժանության նույնիսկ ամենափոքր դրսևորում։