Վրաստանի քաղաքացիները առանց վիզայի կկարողանան Եվրոպա մեկնել 2017 թվականի գարնանից
2017 թվականի ապրիլից Վրաստանի քաղաքացիները կկարողանան Եվրոպա մեկնել առանց վիզայի, հայտարարել է Վրաստանի հարցով Եվրախորհրդարանի զեկուցող Անդրես Մամիկինսը։ Այս մասին տեղեկացնում է «Գրուզիա օնլայնը»։
Նշվում է, որ պատգամավորը հայտարարել է, որ Եվրախորհրդարանը կարող է Վրաստանի քաղաքացիների համար վիզաների չեղարկման հարցը քվեարկության դնել հունվարին կամ փետրվարին։
Հայտնի է, որ ԵՄ-ն իր տպագիր պարբերականում տեղեկություն էր հրապարակել այն մասին, որ Վրաստանի հետ վիզային ազատականացման մասին նորությունը կհրապարակվի մինչև ապրիլի 15-ը։
