Արարատի մարզում 13-ամյա երեխա է մահացել. shamshyan.com
Ոստիկանության Արարատի մարզային վարչության օպերատիվ կենտրոն այսօր ժամը 19։40-ին ահազանգ է ստացվել, որ Վանաշեն գյուղի տներից մեկում երեխայի դի կա։
Այս մասին հայտնում է shamshyan.com կայքը։
Դեպքի վայր ժամանած ոստիկաններն ու քննիչները Վանաշեն գյուղի բնակիչ Թագուհի Ճիրոյանի տանը հայտնաբերել են 13-ամյա Գագիկ Մինասյանի դին։ Ոստիկաններին և քննիչներին տատը հայտնել է, որ երեխան ձեռքին ինչ-որ փամփուշտներ եկել է տուն, հետո դուրս եկել։
Երեխայի դուրս գալուց հետո տատը պայթյուն է լսել, որից հետո դուրս գալով՝ երեխային հայտնաբերել է մահացած։ Նա սովորում էր Վանաշենի միջնակարգ դպրոցի 7-րդ դասարանում և բնակվում էր տատի ու մոր՝ Սիլվա Մինասյանի հետ։ Հայրը 12 տարուց ավելի է գտնվում է արտերկրում։
Մանրամասները՝ սկզբնաղբյուր կայքում։
