Եվրոպայի և ԱՄՆ-ի ներկայացուցիչներն այսօր Լոնդոնում կքննարկեն սիրիական հակամարտությունը
Եվրոպայի և ԱՄՆ-ի ներկայացուցիչներն այսօր Լոնդոնում կքննարկեն Սիրիայում իրավիճակի կարգավորման հարցերը, հայտնում է RIA Novosti-ն: Մասնակիցների հստակ կազմը դեռ հայտնի չէ:
Հիշեցնենք, որ հոկտեմբերի 15-ին Լոզանում տեղի է ունեցել Սիրիայի կարգավորման հարցով հանդիպում:
Բանակցություններին մասնակցել էին ՌԴ ԱԳՆ ղեկավար Սերգեյ Լավրովը, ԱՄՆ պետքարտուղար Ջոն Քերին, Սիրիայի հարցով ՄԱԿ-ի հատուկ դեսպանորդ Ստաֆան դե Միստուրան, Թուրքիայի, Սաուդյան Արաբիայի, Իրանի, Քաթարի, Հորդանանի, Եգիպտոսի, Իրաքի նախարարները:
Հանդիպումը տևել է մոտ 4.5 ժամ, սակայն ավարտվել էր առանց որևէ պայմանավորվածության: Հանդիպման մասնակիցները մամուլի համար համատեղ հայտարարություններ չեն արել:
