«Մեզ է միացել Մխիթարյանը՝ ֆուտբոլիստ, ում վարպետությունը մեզ լավ հայտնի է». Ժոզե Մոուրինիո
«Մանչեսթեր Յունայթեդի» մարզիչ Ժոզե Մոուրինիոն ամփոփել է ակումբի ամառային տրանսֆերային գործողությունների նախնական արդյունքները:
«Կարծում եմ՝ մենք լավ աշխատեցինք տրանսֆերային շուկայում: Մենք որոշեցինք ձեռք բերել 4 ֆուտբոլիստներ, այլ ոչ թե՝ 10: Մենք ստացանք ֆուտբոլիստներ, որոնք համապատասխանում են «Մանչեսթեր Յունայթեդի» մակարդակին և ընդունակ են ուժեղացնել թիմը: Գնումներ՝ ուղղակի գնում կատարելու համար, մենք չենք անում. այդպիսին է մեր ստրատեգիան շուկայում:
Մենք ստորագրել ենք երիտասարդ կենտրոնական պաշտպանի, ում ժամանակ է պետք, որպեսզի դառնա թոփ ֆուտբոլիստ, բայց նա հսկայական պոտենցիալ ունի, և մենք հավատում ենք նրան: Մեզ է միացել Միկին, ֆուտբոլիստ, ում վարպետությունը մեզ լավ հայտնի է: Մենք ստորագրել ենք սուպեր հարձակվող (Զլատան Իբրահիմովիչ) և պատրաստվում ենք ձեռք բերել շատ լավ կիսապաշտպան:
Այնպես որ, ես գոհ եմ թիմից»,- ասել է Մոուրինիոն:
Ավելի վաղ հաղորդվել էր, որ Պոլ Պոգբան մոտ է «Յուվենթուսից» «Մանչեսթեր Յունայթեդ» տեղափոխվելուն:
Պատրաստեց Անի Գաբուզյանը
