Սառնաղբյուրցի եղբայրներն արթնացել են տուժածների բղավոցներից
Tsayg.am-ը գրում է. Նոյեմբերի 3-ին վթարի ենթարկված Մոսկվա-Երևան ավտոբուսի ուղևորներից 1986 թվականին ծնված Արման Ղուրշուդյանն ու 1987 թվականին ծնված Արմեն Երեմյանն արդեն Սառնաղբյուր են վերադարձել: Եղբայրները մի շարք վնասվածքներ են ստացել վթարի հետևանքով, 1 օր անցկացրել են Տուլայի հիվանդանոցում: Այժմ իրենց համեմատաբար լավ են զգում, պատրաստվում են շարունակել բուժումը: Տղաները Մոսկվա էին մեկնել մի քանի ամիս առաջ՝ աշխատելու նպատակով, Հայաստան էին վերադառնում բարեկամների հետ: Եղբայրները պատմել են, որ նստած են եղել ավտոբուսի 2-րդ հարկի ձախ կողմում, վթարի պահին քնած էին, մանրամասներ չեն հիշում:
