«Ռեալը» հետաքրքրված է Օտամենդիի ծառայություններով
«Վալենսիայի» կենտրոնական պաշտպան Նիկոլաս Օտամենդիի համար Թագավորական ակումբը պատրաստ է պայքարի մեջ մտնել «Մանչեսթեր Յունայթեդի» հետ:
Չնայած «չղջիկների» այն հայտարարությանը, որ նրանք 50 մլն եվրոյից պակաս գնի դիմաց չեն պատրաստվում բաժանվել պաշտպանից, շշուկները նրա վաճառքի մասին ավելի ու ավելի շատ են հնչում:
Այժմ արգենտինացու համար պայքարի մեջ է մտել «Գալակտիկոսը»:
Այնուամենայնիվ, ինչպես հաղորդում է Mundo Deportivo-ն, «Ռեալը» կփորձի գցել պաշտպանի գինը: Մադրիդը մտադրություն ունի օգտագործել իր կապերը ֆուտբոլիստի գործակալ Ժորժե Մենդեշի հետ, որը ներկայացնում է նաև «սերուցքայինների» այլ ֆուտբոլիստների շահերը:
Եթե արգենտինացին, այնուամենայնիվ, տեղափոխվի «Ռեալ», ապա հավանական է, որ ակումբը կվաճառի իր կենտրոնական պաշտպաններից մեկին:
Ռաֆայել Վարանով հետաքրքրվում են «Չելսին» և անձամբ Ժոզե Մոուրինյոն, իսկ Սերխիո Ռամոսը կարող է տեղափոխվել «Մանչեսթեր Յունայթեդ»:
Պատրաստեց Անի Գաբուզյանը
