Ասում եմ ուղիղ և հստակ, որ Ուկրաինայում չկան ռուսական զորքեր. Պուտին
Ռուսական РИА Новости լրատվական գործակալության փոխանցմամբ՝ Ռուսաստանի նախագահ Վլադիմիր Պուտինն այսօր «ուղիղ գծով» շփվում է երկրի քաղաքացիների հետ: Այդ կերպ նրա առաջին շփումը գրանցվել է 2001 թվականի դեկտեմբերի 24-ին: Այն ժամանակ նա ստացել էր 400.000 հարց:
Պուտինը հերքել է այն պնդումները, թե Ուկրաինայում գտնվում են ռուսական զորքեր. «Ասում եմ ուղիղ և հստակ, որ Ուկրաինայում չկան ռուսական զորքեր»: Պուտինի խոսքերով՝ Ուկրաինայի հակամարտության քաղաքական կարգավորումը չունի այլընտրանք:
Պուտինը հայտարարել է, որ Ռուսաստանը որևէ բան չի սպասում Կիևից՝ բացառապես իրեն իրավահավասար գործընկերոջ նկատմամբ մոտեցումից և ռուսալեզու բնակչության իրավունքների պահպանում. «Ռուսաստանը ձգտելու է ւկրաինայի հետ հարաբերությունների վերականգնմանը, քանի որ դա համապատասխանում է իր շահերին»:
