Մեծ Բրիտանիայի պատմության մեջ առաջին անգամ ինֆլյացիան նվազել է մինչև զրոյի
Բրիտանական The Guardian թերթի փոխանցմամբ՝ փետրվարին Մեծ Բրիտանիայում ինֆլյացիան պատմության մեջ առաջին անգամ նվազել է մինչև զրոյի: Նախորդ տարվա նույն ամսվա հետ համեմատ՝ գները չեն փոփոխվել: Այդ ցուցանիշը ցածր է վերլուծաբանների կանխատեսածից՝ 0.1 տոկոս:
Նման կտրուկ անկումը մեծապես կապված է վառելիքի էժանացման հետ, որը փետրվարին 16.6 տոկոսով ավելի պակաս է արժեցել, քան՝ մեկ տարի առաջ: Սննդամթերքի գները նվազել են 3.4 տոկոսով: 2015 թվականի հունվարին թագավորությունում գնաճը կազմել է 0.3 տոկոս:
Ամսվա արդյունքներով զրոյական ինֆլյացիա երբևէ չի ֆիքսվել բրիտանական վիճակագրական ծառայությունների կողմից (այդ ցուցանիշին նրանք հետևում են 1989 թվականից): Ոչ պաշտոնական հաշվարկներով՝ 1960 թվականին այդ ցուցանիշը եղել է էլ ավելի ցածր:
