Մարգվելաշվիլին 2015 թվականը Վրաստանում հայտարարել է կանանց տարի
Новости-Грузия լրատվական գործակալության փոխանցմամբ՝ Վրաստանի նախագահ Գեորգի Մարգվելաշվիլին հայտարարել է կանանց հանդեպ բռնությունների անթույլատրելիության մասին և 2015 թվականը երկրում հայտարարել է կանանց տարի:
Ընդգծվում է, որ 2014 թվականի վերջին Վրաստանում գրանցվել է ընտանեկան բռնությունների իսկական ալիք: Խորհրդարանն անհապաղ ձեռնամուխ է եղել օրենսդրական փոփոխությունների կատարմանը, որոնք կոչված են պաշտպանել ընտանեկան բռնությունների զոհերին:
Մտահոգություն են հայտնել նաև իրավապաշտպանները: Մարգվելաշվիլու խոսքերով՝ զբաղվածության տեսնակյունից հենց կանայք են ավելի հեշտ հարմարվել փոփոխական պայմաններին ու փրկել իրենց ընտանիքների բարեկեցությունը:
Մարգվելաշվիլին հույս է հայտնել, որ նախորդ տարեվերջի բռնությունների մասին արդեն կարելի է խոսել որպես անցյալի. «Ես պարտադիր եմ համարել 2015 թվականը կանանց տարի հայտարարելը»:
Հիշեցնենք, որ երեկ Վրաստանի վարչապետ Իրակլի Գարիբաշվիլին 2015 թվականը երկրում հայտարարել է հեպատիտ C-ի դեմ պայքարի տարի:
