Նախախորհրդարան. Սուրիկ Խաչատրյանի թիկնապահը՝ Զարզանդը, սպառնացել է սպանել Գևորգ Գասպարյանին
Հիմնադիր խորհրդարանի պատգամավորության թեկնածու, Նախախորհրդարանի Կապանի գրասենյակի պատասխանատու Գևորգ Գասպարյանին սպառնալու վերաբերյալ
Ս.թ. դեկտեմբերի 10-ին Սյունիքի մարզի տխրահռչակ մարզպետ Սուրիկ Խաչատրյանի ոչ պակաս տխրահռչակ թիկնապահ Զարզանդ Նիկողոսյանը Հիմնադիր խորհրդարանի պատգամավորության թեկնածու, Նախախորհրդարանի Կապանի գրասենյակի պատասխանատու Գևորգ Գասպարյանին առաջարկել է հանդիպել Սուրիկ Խաչատրյանի հետ:
Գևորգ Գասպարանից մերժում ստանալով, Զարզանդ Նիկողոսյանը փոխել է խոսակցության թեման ու տոնայնությունը՝ նրան մեղադրելով «պետությունը քանդելու» մեջ և պահանջելով դադարեցնել ռեժիմի դեմ գործողությունները: Դարձյալ ժխտողական պատասխան ստանալով, մարզպետի թիկնապահը սպառնացել է սպանել նրան:
Նախախորհրդարանի քարտուղարությունը ևս մեկ անգամ հիշեցնում է, որ ռեժիմի հեռացումից հետո դրա որևէ հանցավոր ներկայացուցիչ չի խուսափելու պատասխանատվությունից ու պատժից: Իսկ եթե նրանք շարունակեն չարաշահել մարդկանց համբերությունը, կարող են նաև ժողովրդական ընդվզման զոհ դառնալ:
Նախախորհրդարան
