Մեկնարկել է Բիզնես ինովացիոն 2-րդ համաժողովը
Համաժողովն արդեն անցկացվում է երկրորդ անգամ և կարևոր աշխատանքային հարթակ է հանդիսանում թեմատիկ քննարկումների, գործարար ներկայացումների ու շփումների միջոցով Հայաստանի ինովացիոն զարգացման մարտահրավերների բացահայտման և դրանց հաղթահարման ուղիների քննարկման համար:
Համաժողովի քննարկման առանցքային թեմաներն են` «Հայաստանի ինովացիոն քաղաքականությունը», «Կրթության և աշխատուժի մարտահրավերները տեխնոլոգիական ոլորտում» և «Տեխնոլոգիական ձեռներեցության հիմնախնդիրները»:
Համաժողովն անցկացվում է ՀՀ վարչապետի բարձր հովանու ներքո: Համաժողովի կազմակերպիչն է Ինֆորմացիոն տեխնոլոգիաների ձեռնարկությունների միությունը: Աջակիցներն են` ՀՀ կառավարությունը, «Բեթ Կոնստրակտ» ընկերությունը, ՄԱԿ արդյունաբերական զարգացման ծրագիրը և «Ռոսսոտրուդնիչեստվո» կենտրոնը»:
