Թուրքիան չունի միջուկային զենք ստեղծելու պլաններ. Թաներ Յըլդըզ
Թուրքական TRT Haber հեռուստաալիքին տված հարցազրույցի ժամանակ Թուրքիայի էներգետիկայի ու բնական պաշարների նախարար Թաներ Յըլդըզը հերքել է այն տեղեկատվությունը, թե Թուրքիան մտադիր է ստեղծել միջուկային զենք: Յըլդըզը հայտարարել է, որ Թուրքիան չունի միջուկային զենք ստեղծելու պլաններ:
Յըլդըզի խոսքերով՝ ավելի վաղ մի շարք ԶԼՄ-ների կողմից այդպիսի տեղեկատվություն շրջանառելն ուղղված է Թուրքիան սևացնելուն: Յըլդըզը հավելել է, որ ներկայումս Թուրքիայում չկան միջուկային զենք ստեղծելու համար տեխնոլոգիաներ (թեև հաղորդվել էր, որ Պակիստանը Թուրքիային տրամադրել է նման տեխնոլոգիաներ):
