Մոսկվայի մետրոպոլիտենում գրանցված վթարի հետևանքով տուժել է առնվազն 50 մարդ
Ռուսական ИТАР-ТАСС լրատվական գործակալության փոխանցմամբ՝ Մոսկվայի մետրոպոլիտենի գծերից մեկում գրանցված վթարի հետևանքով տուժել է առնվազն 50 մարդ: Այս մասին գործակալությանը հայտնել է մայրաքաղաքի իրավապահ մարմիններում նրա աղբյուրը:
Վթարից հետո կազմակերպվել է մարդկանց տարհանում: Մոտ 20 մարդ արտակարգ պատահարից հետո շարունակում է արգելափակված մնալ գնացքի վագոններից մեկում: Տուժածների մեծ մասը քերծվածքներ ու թեթև վնասվածքներ են ստացել: Սակայն կան նաև ծանր վիրավորներ:
Որոշակի տվյալներով ռելսերից դուրս է եկել մարդատար երեք վագոն:
