Միջուկային ծրագրի իրագործման համար Իրանին անհրաժեշտ է 190.000 ցենտրիֆուգ
France-Presse լրատվական գործակալության փոխանցմամբ՝ Իրանի գերագույն ղեկավար և հոգևոր առաջնորդ, այաթոլլահ Ալի Խամենին հայատարարել է, որ միջուկային ծրագրի իրագործման համար Թեհրանին անհրաժեշտ է ընդհանուր առմամբ 190.000 ցենտրիֆուգ:
Ավելի վաղ Իրանը պաշտոնապես պնդում էր, որ իր միջուկային գործունեության համար անհրաժեշտ է 50.000 ցենտրիֆուգ: Ներկա դրությամբ Իրանն ունի 19.000 ցենտրիֆուգ, որոնցից գործում է միայն 10.000-ը:
Արևմտյան երկրները պնդում են, որ դրանց քանակը կրճատվի մինչև մի քանի հազարի: Ցենտրիֆուգների քանակի կրճատման հարցը ներկայումս Վիեննայում Իրանի ու «Վեցյակի» միջև ընթացող բանակցությունների խնդրահարույց հարցերից մեկն է:
