Ողբերգական վթար` Ծաղկաձորում. կա 1 զոհ և 1 տուժած
Հունիսի 22-ին, ժամը 14.35-ին տեղեկատվություն է ստացվել, որ Կոտայքի մարզի Ծաղկաձոր քաղաքի «Մարիոտ» հյուրանոցի մոտակայքում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ: Դեռևս չբացահայտված հանգամանքներում «ՎԱԶ-2121» մակնիշի 71 QD 100 պետհամարանիշի ավտոմեքենան դուրս է եկել ավտոճանապարհի երթևեկելի հատվածից և մոտ 20 մ գլորվել հարակից ձորակը: Նախնական տվյալներով կա 1 զոհ և 1 տուժած: Հրշեջ-փրկարարները կատարել են ավտոմեքենայի հոսանքազրկում, գազազրկում և օգնել են ավտոմեքենան տեղափոխել քարշակի վրա:
Արտակարգ իրավիճակների նախարարություն
