«Աչքի տակը պիտի կապտացնեի՞ր կամ ծնոտը ջարդեի՞ր, որ զգայինք բժշկին ծեծել ես». aravot.am
Aravot.am-ի հետ զրույցում Շիրակի մարզպետարանի առողջապահության վարչության պետ Հովհաննես Հովհաննիսյանը, անդրադառնալով նախորդ օրը Գյումրու ծննդատանը տեղի ունեցած վիճաբանությանը, համաձայն, որի 22-ամյա ծննդկան Նարինե Ղուկասյանի սկեսրայրը ամենավերջին հայհոյանքներն է տեղացել բժիշկների հասցեին, երբ իմացել է, որ թոռնիկը մահացած է ծնվել, ասաց. «Ես հետևում եմ լրատվությանը ու ապշած եմ այդ մարդու հայտարարությունից, թե ես բժշկին չեմ խփել: Եթե անգամ չես խփել, թեև խիստ կասկածում եմ, հայհոյել ես մարդկանց, պետք է, անպայման, աչքի տակը կապտացնե՞ս կամ ծնո՞տը ջարդես, որ երևա քո խփածը: Ես չեմ կարծում, որ բարձրագույն կրթությամբ մարդը սուտ խոսի, որ իրեն խփել են: Բայց ասեմ, դու կարող ես մարդուն այնպիսի գռեհիկ հայհոյանք տաս , այնպիսի լկտի վիրավորական բառեր օգտագործես, որն ավելի ցավ պատճառի, քան խփելը: Գտնում ես, որ բժշկական սխա՞լ է եղել, ուրեմն դիմիր իրավապահ մարմիններին, թող իրավական լուծում ստանա: Սխալ է արել բժիշկը, թող իր պատիժը քրեակատարողական հիմնարկում կրի, էնքան բժիշկներ կան քրեակատարողական հիմնարկներում, մի բժիշկ էլ թող ավելանա, բայց ծննդկաններին, մեր մայրերին, քույրերին էդպես սթրեսիմեջ պահել, քո լպիրշ, սեռական բնույթի հայհոյանքները լսեցնել տալը ո՞րն է, քո հետ դժբախտություն է պատահել, նրանք ինչո՞վ են մեղավոր, նվեր ես անում հա՞ քո բառերով…»:
Ամբողջությամբ՝ սկզբնաղբյուր կայքում:
Լուսանկարը՝ aravot.am-ի
