Կոռուպցիան արմատախիլ անելն Ուկրաինայի ազգային անվտանգության գլխավոր հարցն է. Սաակաշվիլի
Грузия Online-ի փոխանցմամբ՝ Վրաստանի նախկին նախագահ Միխեիլ Սաակաշվիլին հայտարարել է, որ անհրաժեշտ է բարեփոխել Ուկրաինան և դա անել շատ արագ.
«Կոռուպցիան արմատախիլ անելը հանդիսանում է Ուկրաինայի ազգային անվտանգության գլխավոր հարցը, թիվ մեկ հարցը: Հակառակ դեպքում կոռուպցիան կվերածվի պետական մեխանիզմում տեղակայված դանդաղ գործունեության ականի:
Չնայած ներտնտեսական ծանր իրավիճակին ու արտաքին սպառնալիքին՝ Ուկրաինայի նոր իշխանությունները պետք է վերաձևավորեն պետական ողջ համակարգն առավելագույն սեղմ ժամկետում, այլապես Ուկրաինան կհայտնվի Կրեմլի տոտալ վերահսկողության տակ:
Եթե Ուկրաինայի թե՛ արևելքում, թե՛ արևմուտքում բնակվող մարդիկ 3-6 ամիս անց հասկանան, որ գործերը չեն բարելավվել, ապա այդ ժամանակ Պուտինն իսկապես կիրագործի ողջ Ուկրաինայի վրա վերահսկողություն հաստատելու իր պլանը: Պետք է գործել շատ արագ»:
