Թուրքական դատարանն արդարացրել է «Էրգենեքոնի» պարագլուխ համարվող Վելի Քյուչուքին
Թուրքական Zaman թերթի փոխանցմամբ՝ Ստամբուլի՝ ծանր հանցագործությունները քննող 4-րդ դատարանը երեկ արդարացրել է «Էրգենեքոնի» գործով կալանավորված կարկառուն ներկայացուցիչներ Վելի Քյուչուքին, Լևենթ Էրսոզին, Ֆուաթ Սելվիին ու Սերդար Օզթուրքին:
Դրանից մեկ օր առաջ Ստամբուլի՝ ծանր հանցագործությունները քննող 3-րդ դատարանը նրանց մերժել էր արդարացնելու հարցում: Դրանից հետո կալանավորվածների փաստաբանները դիմել էին ավելի բարձր ատյանի, որն էլ որոշել է արդարացնել նրանց:
Նշվում է, որ պաշտոնաթող գեներալ Վելի Քյուչուքը համարվում է «Էրգենեքոն» գաղտնի կազմակերպության պարագլուխը և գործող իշխանությունների հիմնական հակառակորդը:
