Հիտլերի ստորագրությամբ Mein Kampf գրքի երկու օրինակն աճուրդում վաճառվել է 65.000 դոլարով
![](https://168.am/wp-content/uploads/2014/02/2368e9af9fb749a3f75bdb7ecf7753cd.jpg)
Ամերիկյան Associated Press լրատվական գործակալության փոխանցմամբ՝ Ադոլֆ Հիտլերի ստորագրությամբ Mein Kampf («Իմ պայքարը») գրքի երկու օրինակներն ամերիկյան Nate D. Sanders Auctions օնլայն աճուրդում երեկ վաճառվել են գրեթե 65.000 դոլարով:
Վերջնական գինը մեկնարկային գնին գերազացնել է ավելի քան 3 անգամ: Գրքերի վաճառքի մեկնարկային գինը կազմել էր 20.000 դոլար: Բացի այդ, աճուրդի ժամանակ վաճառվել է նաև Հիտլերի անձնական ճարտարապետ Ալբերտ Շպեերի կաշվե վերարկուն: Այն գնել են 10.000 դոլարով, ինչը կրկնակի գերազանցում է հայտարարված սկզբնական գինը:
Աճուրդում վաճառված Mein Kampf-ի օրինակները հրատարակվել էին 1926 և 1927 թվականներին: Հետագայում Հիտլերն այդ գրքերն ամանորի կապակցությամբ նվիրել է Յոզեֆ Բաուերին՝ նացիստական կուսակցության անդամին ու 1923 թվականի «գարեջրային խռովության» մասնակցին: