Վրաստանի զարգացման ուղին կարող է օրինակ ծառայել Ուկրաինայի համար. Գարիբաշվիլի
Բրիտանական Reuters լրատվական գործակալության փոխանցմամբ՝ Վրաստանի վարչապետ Իրակլի Գարիբաշվիլին հայտարարել է, որ Ուկրաինայի նոր իշխանությունները պետք է ավելի սերտ շփում հաստատեն ԵՄ-ի հետ.
«Ես մեծ հույսեր ունեմ, որ Ուկրաինան Եվրոպան կդարձնի իր ընտրությունը: Ինձ թվում է, թե Վրաստանի զարգացման ուղին տյալ հարցում պետք է օրինակ հանդիսանա նրանց համար»:
Նշվում է, որ Գարիբաշվիլին ԱՄՆ-ում հանդիպել է հանրապետական սենատոր Ջոն Մաքքեյնի հետ: Հանդիպման ժամանակ կողմերը քննարկել են վրաց-ամերիկյան երկկողմ հարաբերությունների խորացման հարցն ու համագործակցության հետագա հեռանկարները:
Հիշեցնենք, որ սրանից առաջ էլ Գարիբաշվիլին հանդիպել էր ԱՄՆ-ի նախագահ Բարաք Օբամայի ու փոխնախագահ Ջո Բայդենի հետ:
