Դատարանը քննում է Շանթ Հարությունյանի կալանքը երկու ամսով երկարաձգելու մասին քննիչի միջնորդությունը
Երևանի Կենտրոն և Նոր Նորք վարչական շրջանների ընդհանուր իրավասության դատարանում այսօր քննվում է Շանթ Հարությունյանի կալանքը երկու ամսով երկարաձգելու մասին քննիչի միջնորդությունը: Շ. Հարությունյանի պաշտպան Ինեսա Պետրոսյանը քիչ առաջ տեղեկացրեց, որ միջնորդության քննությունն ավարտվել է, և այժմ դատարանը՝ դատավոր Մնացական Մարտիրոսյանի գլխավորությամբ, հեռացել է խորհրդակցության սենյակ:
Նշենք, որ Շ. Հարությունյանը անազատության մեջ է նոյեմբերի 5-ից:
Նույն դատարանում մեկ ժամ ուշացումով սկսվել է նաև նոյեմբերի 5-ին Շանթ Հարությունյանի հետ կալանավորված մյուս անձանց՝ կալանքի ժամկետը երկարաձգելու մասին քննիչի միջնորդության քննությունը:
Մանրամասները՝ առաջիկայում:
