Եգիպտոսում հետաքննելու են Մուրսիի պաշտոնանկության հանգամանքները
France-Presse լրատվական գործակալության փոխանցմամբ՝ Եգիպտոսում ստեղծվել է հատուկ հանձնաժողով, որը զբաղվելու է երկրի նախագահի պաշտոնից Մոհամմեդ Մուրսիի գահընկեցության հանգամանալից հետաքննմամբ: Հանձնաժողովի ստեղծման մասին հրամանը երեկ ստորագրել է Եգիպտոսի նախագահի պաշտոնակատար Ադլի Մանսուրը:
Մանսուրը հայտարարել է, որ անկախ հանձնաժողովը հետաքննելու է այս տարվա հունիսի 30-ից մինչև իր ստեղծման օրն ընկած ժամանակահատվածում Եգիպտոսում տեղի ունեցած իրադարձությունները: Հանձնաժողովը բաղկացած է լինելու 5 մարդուց, այն գլխավորում է դատավոր Ֆուադ Ռիյադը: Հանձնաժողովի աշխատանքի առաջին արդյունքները պետք է ի հայտ գան վեց ամիս անց:
