Սիրիական քիմիական զինանոցի առավել վտանգավոր բաղադրատարրերը կոչնչացվեն ամերիկյան նավի վրա
Ռուսական ИТАР-ТАСС լրատվական գործակալության փոխանցմամբ՝ Սիրիայի քիմիական զենքի առավել վտանգավոր բաղադրատարրերի ոչնչացումն իրականացվելու է ամերիկյան նավի վրա: Այս մասին հայտարարել է Քիմիական զենքն արգելող կազմակերպությունը (OPCW):
Վերջինիս գործադիր խորհուրդը որոշել է Սիրիայի քիմիական զենքի ոչնչացման հաջորդ փուլում իրականացնել դրա առանցքային տարրերի ոչնչացումը: Դանիայից ու Նորվեգիայից նավերը կժամանեն Սիրիայի Լաթաքիա նավահանգիստ, ուր և կընդունեն սիրիական քիմիական զինանոցի առավել վտանգավոր բաղադրատարրերը:
Դրանից հետո այդ նավերն Իտալիայի նավահանգիստներից մեկում տվյալ վտանգավոր բեռը կփոխանցեն հատուկ սարքավորումներով հագեցված ամերիկյան նավին, ուր և տեղի կունենա դրա ոչնչացումը:
