Facebook-ում 2060 թ-ին կգերակշռեն «մեռյալ» աքաունտները
«Facebook of the Dead» խոսուն անվանումով հետազոտության արդյունքները ցույց են տալիս, որ իրադարձությունների որոշակի զարգացումների եւ սոցիալական ցանցի պահանջարկի նվազման պարագայում 2060 թ-ին «մեռյալ» օգտատերերի թիվը կգերազանցի կենդանիների թիվը, հաղորդում է RT-ն:
«What If» բլոգի վիճակագրության համաձայն` այսօր «մեռյալ» պրոֆիլների քանակը մոտ 10-20 մլն է, ինչը Facebook-ի համար մեծ չէ: Հիմնականում օգտատերերը երիտասարդներ են, սակայն, ըստ կանխատեսումների, առաջիկա 14 տարվա ընթացքում «մեռյալ» պրոֆիլների թիվը կավելանա չորս անգամ, եւ այդ ժամանակ Facebook-ը զարգացման երկու տարբերակ կունենա: Ըստ առաջինի` ժամանակակից եիտասարդ սերունդն աստիճանաբար կհեռանա Facebook-ից, եւ 2060 թ-ին «մեռյալ» աքաունտների թիվը կգերազնցի կենդանի աքաունտների թիվը:
Երկրորդ սցենարով, այդ ավարտը կձգվի մինչեւ 2100թ-ը, սակայն միայն այն դեպքում, եթե սոցցանցը զարգանա եւ դառնա ցանցային ենթակառուցվածքի մաս:
