Արքայազն Հարին պատրաստվում է ամուսնանալ (լուսանկարներ)
Հոկտեմբերի 30-ին հայտնի է դարձել, որ բրիտանական արքայազն Հարին մոտ ժամանակներս պատրաստվում է ամուսնանալ իր ընտրյալի` Քրեսիդա Բոնասի հետ, տեղեկացնում է բրիտանական The Sun պարբերականը:
«Անցած հանգստյան օրերին Քրեսիդան առաջին անգամ Հարիի հետ եղել է թագավորական Սանդրինհեմ կալվածքում: Նման այցը պարտադիր է համարվում ապագա ամուսինների համար, որոնք հավակնում են թագավորական ընտանիքի անդամ դառնալ»,- պատմել է պարբերականի աղբյուրը:
Երիտասարդներն իրենք առայժմ ոչինչ չեն հայտնում առաջիկա հարսանիքի մասին, սակայն թագավորական ընտանիքի անդամներն ու Հարիի ընկերները շարունակում են ԶԼՄ-ներին տեղեկություններ հայտնել սպասվող հարսանիքի մասին: «Եթե ամեն ինչ լավ ընթանա, նրանք շուտով կհայտարարեն ամուսնության մասին»,-ասել է Us Weekly պարբերականի աղբյուրը:
