Դմիտրի Մեդվեդևը հոկտեմբերի վերջին պաշտոնական այցով մեկնելու է Չինաստան
Ռուսական РИА Новости լրատվական գործակալության փոխանցմամբ՝ Ռուսաստանի վարչապետ Դմիտրի Մեդվեդևը հոկտեմբերի վերջին պաշտոնական այցով մեկնելու է Չինաստան: Այս մասին հայտնել է Ռուսաստանի կառավարության մամլո ծառայությունը:
Վերջինիս հաղորդմամբ՝ Մեդվեդևը Չինաստանում կգտնվի հոկտեմբերի 21-23-ին: Մեդվեդևի չինական այցն իրականացվում է Չինաստանի Պետխորհրդի վարչապետ Լի Կեցյանի հրավերի հիման վրա:
Պլանավորված է բանակցությունների ժամանակ քննարկել փոխադարձ առևտրի, ներդրումային փոխգործակցության, էներգետիկ մասշտաբային նախագծեր իրականացնելու և արդյունաբերա-արտադրական կոոպերացիան ամրապնդելու հարցերը: Չինական այցի շրջանակներում Մեդվեդևը հանդիպելու է Չինաստանի այլ ղեկավարների հետ ևս:
