Փրկարարները բնակարանում հայտնաբերել են տարեց մարդու դին
Հոկտեմբերի 13-ին, ժամը 15.43-ին ահազանգ է ստացվել, որ Ա.Հովհաննիսյան փողոցի թիվ 18 շենքի բնակարաններից մեկի դուռը փակվել է, քաղաքացին չի արձագանքում դռան և հեռախոսի զանգերին. անհրաժեշտ է փրկարարների օգնությունը, հայտնում են ԱԻ նախարարությունից:
Դեպքի վայր է մեկնել մեկ մարտական հաշվարկ և ՃԿԿ օպերատիվ խումբը:
Հրշեջ-փրկարարները բացել են բնակարանի դուռը. պատշգամբում` հատակին, հայտնաբերել են 1927թ. ծնված Թ.Վ.-ի դին:
