Պետրոս Մակեյանը պատրաստ է միանալ Նիկոլ Փաշինյանին ու Սասուն Միքայելյանին. մամուլ
«Հրապարակ» օրաթերթը գրում է. ««Ժողովրդավարական հայրենիք» կուսակցության առաջնորդ Պետրոս Մակեյանը մեզ հետ զրույցում չբացառեց, որ Նիկոլ Փաշինյանի և Սասուն Միքայելյանի ստեղծելիք նոր ուժին իրենք էլ կմիանան:
«Սասունի և Նիկոլի հետ խնդիր չունենք, Նիկոլի հետ երկար ճանապարհ ենք անցել, դե, Սասունն էլ 2008-ին իրեն դրսևորեց ու դրանից հետո իրեն պահեց այնպես, ինչպես պետք էր: Այսինքն, նրանց հետ համագործակցելու հարցում որևէ խնդիր չկա, բայց առայժմ նոր ուժ ստեղծելու մասին տեղեկությունը զուտ մամուլի հրապարակումների տեսքով է, կոնկրետ գործընթացի մասին տեղյակ չեմ»,- ասել է Պետրոս Մակեյանը:
Նա ընդգծել է, որ Հայաստանի օրեցօր վատթարացող վիճակն ու ընդդիմադիր դաշտի պառակտվածությունը պարտադրում են, որ մտահոգ քաղաքական գործիչները միավորվեն»:
