Զինծառայող Լյուքս Ստեփանյանի սպանության մեջ մեղադրվողին տարել են հոգեբուժարան. մամուլ
«Ժողովուրդ» օրաթերթը գրում է. «Նոյեմբերյանի N զորամասերից մեկում զինծառայող Լյուքս Ստեփանյանի սպանության մեջ մեղադրվող, նույն զորամասի զինծառայող Դավիթ Խաչատրյանին տարել են հոգեբուժարան` ստուգման: Այս մասին «Ժողովուրդի» հետ զրույցում ասաց Դավիթի եղբայր Վարդան Խաչատրյանը: Նրա խոսքով՝ իրենց է զանգահարել այդ գործով քննիչը և տեղեկացրել Դավիթին հոգեբույժի մոտ ստուգման տանելու մասին. «Մեզ ասացին, որ դա պայմանավորված է քննության իրականացմամբ»:
Վարդանը նաև նշեց, որ իրեն տեղեկություններ են հասել, որ Նոյեմբերյանի զորամասում, որտեղ տեղի է ունեցել դեպքը, տեսախցիկներ են տեղադրել, լրագրողներին էլ տարել զորամաս ու այդ ամենը ցուցադրել: Սակայն ԶԼՄ-ների ներկայացուցիչների շրջայցից հետո այդ ամենն անհետացել է:
Հոդվածն ամբողջությամբ կարող եք կարդալ «Ժողովուրդի» այսօրվա համարում:
