Բաժիններ՝

Հնդկաստանում գրադարանային գրքերի շուրջ սկանդալ է հասունացել

Հնդկաստանի Թամիլ Նադու նահանգում հետաքննություն է սկսվել նորաբաց հանրային գրադարանին հարյուրավոր կասկածելի գրքերի մատակարարման գործով։ Կասկածներ կան, որ որոշ հրատարակություններ ստեղծվել են արհեստական բանականության միջոցով և պարունակում են սխալ տեղեկություններ ու կեղծ հեղինակային տվյալներ։

Սկանդալը սկսվել է այն բանից հետո, երբ գրող Պերումալ Մուրուգանը գրադարանում հայտնաբերել է շուրջ 1800 կասկածելի գիրք։ Դրանց թվում եղել են սխալ տեղեկություններով հրատարակություններ, անհայտ հեղինակների անուններով գրքեր։ Աղմուկ է բարձրացրել նաև հայտնի տնտեսագետ Ժան Դրեզի անունով հրատարակված գիրքը։ Վերջինս հայտարարել է, որ ինքը չի գրել այդ աշխատությունը։ Դատարանը կարգադրել է հետաքննել գրքերի գնումները, իսկ իշխանություններն սկսել են հանրային գրադարանների աուդիտ։ Արդեն 523 գիրք հեռացվել է Չեննայի պատմական գրադարանից։

Միևնույն ժամանակ, դեռևս հաստատված չէ, որ վիճահարույց գրքերն իսկապես ստեղծվել են արհեստական բանականության միջոցով։ Սկանդալը նաև քաղաքական վեճի պատճառ է դարձել․ գործող իշխանությունները պատասխանատվությունը բարդում են նախորդ կառավարության վրա։

Բաժիններ՝

Տեսանյութեր

Լրահոս

Լուրերի օրացույց

Նոյեմբեր 2026
Երկ Երե Չոր Հնգ Ուրբ Շաբ Կիրակի
« Հոկտեմբեր    
 1
2345678
9101112131415
16171819202122
23242526272829
30