Ռուսաստանը նոր դիվերսիաներ է պլանավորում. Կալլաս
«Ազատություն». Ռուսաստանը Եվրոպայում լրացուցիչ դիվերսիաներ է պլանավորում, հայտարարել է ԵՄ արտաքին քաղաքականության ղեկավար Կայա Կալասը՝ վկայակոչելով հետախուզության տվյալները:
«Մենք պետք է զգոն մնանք, քանի որ հետախուզությունը ցույց է տալիս, որ Ռուսաստանը պլանավորում է հետագա դիվերսիոն գործողություններ և հարձակումներ մեր ժողովրդավարության դեմ՝ մեր հասարակությունը պառակտելու, մեր հասարակություններին վախեցնելու համար, որպեսզի նրանք չօգնեն Ուկրաինային», – ասել է Կալլասը Բրյուսելում ԵՄ պաշտպանության նախարարների հանդիպումից առաջ։
Եվրոպացի պաշտոնյան ասել է, որ քանզի Ռուսաստանը նման պլաններ ունի, Եվրոպան պետք է դա նկատի ունենա այս սպառնալիքներին հակազդելու համար, նույնիսկ երբ բավարար հետախուզական տվյալներ ունենա՝ նման հարձակումներից առաջ դրանց արձագանքելու համար։
ԵՄ գլխավոր դիվանագետը նաև ասել է, որ ԵՄ-ն աշխատում է ամրապնդել իր կոլեկտիվ պաշտպանական կարողությունները, սակայն դեռ շատ անելիք ունի:
«Մենք շատ բան ենք արել։ Այսինքն՝ պաշտպանության ոլորտում ներդրումներն աճել են, բայց միևնույն ժամանակ մենք պաշտպանական կարողությունների մեծ բացեր ունենք, և հիմա պետք է կենտրոնանանք նրա վրա, թե ինչպես ենք իրականում լրացնում այդ բացերը»,- հավելել է եվրոպացի պաշտոնյան։
Կալլասը նաև հայտնել է, որ ԵՄ պաշտպանության նախարարների հանդիպմանը կքննարկենք նաև Մերձավոր Արևելքում տիրող իրավիճակը, մասնավորապես՝ ԵՆ ռազմածովային գործողությունները տարածաշրջանում։
ՌԴ-ն կուժեղացնի հիբրիդային հարձակումները ԵՄ-ի վրա, պնդում է դանիական հետախուզությունը
Ավելի վաղ Դանիայի ռազմական հետախուզական գործակալությունն էր հայտարարել, որ Ռուսաստանն առաջիկա ամիսներին կավելացնի եվրոպական երկրների վրա հիբրիդային հարձակումների թիվը, սակայն ուղղակի ներխուժման ռիսկը նվազագույն է:
Ռուսաստանի սպառնալիքների գնահատման մասին զեկույցում հետախուզության պաշտոնյաները պնդում են, որ իրավիճակը վատթարացել է նախորդ զեկույցի համեմատ, որը հրապարակվել էր 2025 թվականի փետրվարին:
Նաև նշվում էր, որ աճել են դիվերսիաների, կիբեռհարձակումների, ռուսական անօդաչու թռչող սարքերի ՆԱՏՕ-ի տարածք ներխուժման և Բալթիկ ծովում Ռուսաստանի ռազմածովային ուժերի նավերի ագրեսիվ վարքագծի դրսևորման դեպքերը: Հետախուզությունը կարծում է, որ այս ոլորտում հետագա սրացում է սպասվում:
