Պուտինը պատրաստ է ընդունել ԱՄՆ բանագնացներին․ Լավրով
Եթե ԱՄՆ նախագահի հատուկ բանագնացներ Սթիվ Ուիթքոֆը և Ջարեդ Քուշները այցելեն Ռուսաստան, Ռուսաստանի նախագահ Վլադիմիր Պուտինը պատրաստ է կրկին ընդունել նրանց։ Սակայն, թե ինչ են նրանք առաջարկում բանակցությունների սեղանին, այլ հարց է, ասել է Ռուսաստանի արտաքին գործերի նախարար Սերգեյ Լավրովը։
«Մենք չենք հրաժարվում նրանց հետ խոսելուց։ Եթե նրանք գան՝ գիտեն, որ Ռուսաստանի նախագահ Վլադիմիր Վլադիմիրովիչ Պուտինը պատրաստ է կրկին ընդունել նրանց։ Ինչ են նրանք առաջարկում բանակցությունների սեղանին, այլ հարց է», – ասել է Լավրովը «Վեստի» լրատվական գործակալությանը տված հարցազրույցում։
