Արիանա Գրանդեն կդադարեցնի հանրային գործունեությունը. People
Ամերիկացի երգչուհի Արիանա Գրանդեն դադար կվերցնի հանրային գործունեությունից՝ իր առողջական վիճակի մասին շահարկումների ֆոնին: Այս մասին հայտնել է People ամսագիրը՝ հղում անելով երգչուհու ներկայացուցչին:
«Արիանան կհեռանա Eternal Sunshine շրջագայությունն ավարտելուց հետո: Նա անհամբերությամբ սպասում է շրջագայության ավարտին և ցանկանում է այն ավարտել բարձր նոտայի վրա՝ առողջ և երջանիկ, իսկ դրանից հետո արժանի դադար կվերցնի հանրային գործունեությունից, որը հանգեցրել է անվերջ, ձգձգված հանրային շահարկումների», – ասել է երգչուհու ներկայացուցիչը հրատարակությանը:
Ամսագիրը ճշգրտել է, որ Eternal Sunshine համերգային շրջագայությունը կավարտվի սեպտեմբերի 1-ին՝ Լոնդոնում կայանալիք մենահամերգով: Գրանդեն, ով նաև զարգացնում է դերասանական կարիերան, դուրս կգա «Sunday in the Park with George» մյուզիքլի նախագծից, որը պետք է ներկայացվի հանրությանը Լոնդոնում 2027 թվականին:
Ինչպես գրում է հրատարակությունը, երգչուհու առողջական վիճակի մասին շահարկումները շարունակվում են առաջին տարին չէ, բայց հանրության ուշադրությունը կատարողի նկատմամբ ուժեղացել է հուլիսի 31-ին նույն օրը թողարկված համանուն ալբոմի Petal երգի տեսահոլովակի հրապարակումից հետո:
