Վենեսուելան պատրաստ է քաղաքական ապաստան տրամադրել Սնոուդենին. Նիկոլաս Մադուրո
Ռուսական ИТАР-ТАСС լրատվական գործակալության փոխանցմամբ՝ Վենեսուելան ամենայն հավանականությամբ ապաստան կհատկացնի ամերիկյան հատուկ ծառայությունների նախկին աշխատակից Էդվարդ Սնոուդենին: Այս մասին հայտարարել է Վենեսուելայի նախագահ Նիկոլաս Մադուրոն:
Վերջինիս խոսքերով՝ Սնոուդենը դեռ քաղաքական ապաստան ստանալու խնդրանքով չի դիմել Վենեսուելայի իշխանություններին: Նա ընդգծել է, որ քաղաքական ապաստան տրամադրել հումանիտար միջազգային իրավունքի մասնիկն է:
Մադուրոն հիշեցրել է, որ ԱՄՆ-ի իշխանությունները ժամանակին ապաստան են տվել ահաբեկիչ Լուիս Պոսադա Կապրիլեսին, ով 1976 թվականին պայթեցրել է Կարակասից մեկնած մարդատար ինքնաթիռը, որը պատկանում էր Կուբայի ավիաընկերություններից մեկին:
