Թուրքիան բարձրացրել է էլեկտրաէներգիայի և գազի գները
Թուրքիայում բարձրացրել են տնային տնտեսությունների համար էլեկտրաէներգիայի մանրածախ գները 25 տոկոսով արտադրության և բաշխման ավելի բարձր ծախսերի պատճառով․ Al Jazeera-ի փոխանցմամբ՝ այս մասին հայտնել է պետական էներգետիկ ընկերությունը՝ BOTAS-ը։
Նշվում է, որ բնական գազի գները բարձրացել են 18.61 տոկոսով՝ արդյունաբերական սպառողների և 19.42 տոկոսով՝ էլեկտրակայանների համար, մինչդեռ էլեկտրաէներգիայի սակագները նույնպես բարձրացել են 17.5 տոկոսով՝ ցածր լարման հանրային և ծառայությունների ոլորտի սպառողների համար, 5.8 տոկոսով՝ միջին լարման արդյունաբերական սպառողների և 24.8 տոկոսով՝ գյուղատնտեսական սպառողների համար։
