Խաղաղության հաստատումը հնարավորություններ է ստեղծում ողջ տարածաշրջանի կայունության համար. Սաֆարյանն ընդունել է Գրասային
Նոյեմբերի 24-ին ՀՀ ԱԳ նախարարի տեղակալ Մնացական Սաֆարյանն ընդունել է ԵԱՀԿ խորհրդարանական վեհաժողովի նախագահի տեղակալ Լուիս Գրասային. տեղեկանում ենք ՀՀ արտաքին գործերի նախարարությունից:
«Հանդիպման ընթացքում անդրադարձ է կատարվել Հայաստանի և Ադրբեջանի միջև ընթացիկ տարվա օգոստոսի 8-ին Վաշինգտոնում ձեռք բերված պայմանավորվածություններին՝ ընդգծելով, որ խաղաղության հաստատումը հնարավորություններ է ստեղծում ողջ տարածաշրջանի կայունության և բարգավաճման համար:
Կողմերը կարևորել են խորհրդարանական դիվանագիտության դերը խաղաղության հետագա ամրապնդման, փոխադարձ վստահության հաստատման և հումանիտար խնդիրների հասցեագրման ուղղություններում:
Մտքեր են փոխանակվել ԵԱՀԿ պատասխանատվության գոտում առկա խնդիրների հասցեագրման գործում ԵԱՀԿ դերի բարձրացման վերաբերյալ»,- ասվում է արտաքին գերատեսչության տարածած հաղորդագրության մեջ:
