Դատարանը Բանգլադեշի նախկին վարչապետին դատապարտել է մահապատժի
Բանգլադեշի դատարանը նախկին վարչապետ Շեյխ Հասինային հեռակա կարգով դատապարտել է ցմահ ազատազրկման և մահապատժի՝ մարդկության դեմ հանցագործությունների համար: РИА Новости-ի հաղորդմամբ՝ դատական նիստը հեռարձակվել է դատարանի կայքում։
«Շեյխ Հասինան և նրա գլխավոր օգնականները մեղավոր են ճանաչվել մարդկության դեմ հանցագործությունների մեջ: Նրանց դեմ ներկայացված ապացույցների հիման վրա Բանգլադեշի դատարանը Շեյխ Հասինային դատապարտել է մինչև բնական մահ ազատազրկման՝ բռնություն հրահրելու, սպանություն պատվիրելու և վայրագությունները կանխելու համար միջոցներ չձեռնարկելու մեղադրանքով»,- ասել է դատավորներից մեկը:
Մի շարք այլ մեղադրանքներով դատարանը նախկին վարչապետին դատապարտել է մահապատժի։
Հասինան Հնդկաստանում է անցյալ տարվա օգոստոսի 5-ից: Վերջինս ուսանողական բողոքի ցույցերի պատճառով, որոնք տապալեցին նրա 16-ամյա ռեժիմը, փախուստի է դիմել և հեռացել Բանգլադեշից:
