Նիկո’լ, գնացել ես Հռոմի պապի հետ հանդիպման, ի՞նչ ես ասելու. հպարտանալու ես, որ երեք սրբազան ես կալանավորե՞լ. Շարմազանով
ՀՀԿ ԳՄ անդամ Էդուարդ Շարմազանովը ֆեյսբուքյան էջում գրում է. «Նիկո՛լ, էդ ո՞նց եղավ կառավարությունը՝ դու ես,
բայց կաթողիկոսը՝ եկեղեցին չէ։ Կաթողիկոսը՝ օծյալ է, անկախ իր անձից։ Գարեգին Բ-ն ՝ Ամենայն Հայոց Կաթողիկոսն է։ Դու՝ ո՞վ ես, էլի։
Եթե դու քեզ կառավարության հետ ես նույնացնում, ապա կաթողիկոսը՝ հայ եկեղեցու օծյալ առաջնորդն է։ Քո իշխանությունը հատտատ Աստծուց չէ, Ամենայն Հայոց Կաթողիկոսի իշխանությունը՝ Աստծուց է։
Նեոբոլշեւիկների նման ընկել ես եկեղեցու հայրերի հետեւից ու գնացել Հռոմի պապի հետ հանդիպման։ Ի՞նչ ես ասելու, հպարտանալու՞ ես, որ երեք սրբազանների ես կալանավորել։ Ու նա էլ քեզ ընդունելու՞ է այդքանից հետո…»:
