Լիբանանը Իսրայելի հետ սահմանին զորքերի թիվը կհասցնի 10,000-ի
Լիբանանի հարավային սահմանին գտնվող զորքերի թիվը կավելանա մինչև 10,000, հենց Իսրայելը դուրս բերի իր զորքերը իր վերահսկողության տակ մնացած հինգ տարածքներից։ Այս մասին հայտարարել է հանրապետության նախագահ, գեներալ Ջոզեֆ Աունը։
«Երկրի հարավում զինված ուժեր չեն լինի, բացի լիբանանյան բանակից և ՄԱԿ-ի խաղաղապահ զորքերից: Մեր զորքերի թիվը կավելանա մինչև 10,000՝ Լիտանի գետից հարավ»,- ասել է նա Մեծ Բրիտանիայի արտաքին գործերի նախարարի հետ կայացած հանդիպման ժամանակ։
Ըստ Աունի, Իսրայելը խոչընդոտում է տարածաշրջանում անվտանգության և կայունության վերականգնմանը։
