ԿԺԴՀ-ը վերացրել է մարտական բարձր պատրաստության ռեժիմը

Բրիտանական Reuters լրատվական գործակալության փոխանցմամբ՝ «Մուսուդան» տիպի հրթիռային երկու համալիր անցած գիշեր հանվել են մեկնարկային հրապարակներից: Քիչ հավանական է համարվում, որ դրանք տարվել են արձակման այլ վայր:

Այս մասին գործակալությանը հայտնել է ԱՄՆ-ի իշխանությունների ներկայացուցիչը: Վերջինիս պնդմամբ՝ ԿԺԴՀ-ի հրթիռները դուրս են բերվել մարտական պատրաստության վիճակից: Հարավային Կորեայի ՊՆ-ը հաստատել է այդ տեղեկատվությունը:

Վերջին շաբաթներին միջազգային հանրությունն անհանգստացած էր ԿԺԴՀ-ի կողմից միջուկային հրթիռների հնարավոր արձակումից: