Թուրքիան և Իսրայելը Սիրիայում իրավիճակի սրումը կանխելու հարցով առաջին խորհրդակցություններն են անցկացրել
Թուրքիայի և Իսրայելի ներկայացուցիչներն ապրիլի 9-ին առաջին անգամ հանդիպել են Ադրբեջանում՝ քննարկելու Սիրիայում թուրքական և իսրայելական զորքերի միջև հակամարտությունը դադարեցնելու մեխանիզմը։ Այդ մասին հայտնում է թուրքական Sabah-ը՝ հղում անելով Թուրքիայի պաշտպանության նախարարության աղբյուրներին։
«Չորեքշաբթի օրը Ադրբեջանում տեղի է ունեցել առաջին տեխնիկական հանդիպումը, որի ժամանակ քննարկվել է Սիրիայում անցանկալի միջադեպերից խուսափելու համար Թուրքիայի և Իսրայելի միջև հակամարտությունների կարգավորման մեխանիզմը»,- գրում է թուրքական թերթը։
Աղբյուրները նշել են, որ Թուրքիան նաև Իսրայելին կոչ է արել անհապաղ դադարեցնել հարձակումները Սիրիայի տարածքի վրա։
