Մոլդովայի վարչապետը խոսել է եվրաինտեգրման առավելությունների մասին
Մոլդովայի վարչապետ Դորին Ռեչանն ասել է, որ եվրաինտեգրման գործընթացը կօգնի հանրապետությանը ձեռք բերել ուժեղ տնտեսություն և արդար արդարադատության համակարգ։
«Մենք այս ամենն անում ենք, որպեսզի ունենանք հզոր տնտեսություն, արդար արդարադատության համակարգ, որը կհամապատասխանի քաղաքացիների շահերին և կավելացնի կառավարության ադմինիստրատիվ կարողությունները՝ իրականացնելու բոլոր ծրագրերը։ Մենք կօգտագործենք այն միջոցները, որոնք հատկացվել են ԵՄ-ին անդամակցելուն, հետևաբար պետք է կարողանանք ներդրումներ կատարել»,-ասել է Ռեչանը:
Պատասխանելով հարցին, թե արդյո՞ք Հունգարիայի կողմից նախագահությունը ստանձնելուց հետո ԵՄ-ին անդամակցելու գործընթացում կարող են խոչընդոտներ լինել, վարչապետը վստահություն է հայտնել, որ դա չի ազդի բանակցությունների առաջընթացի վրա։
«Եվրամիության անդամ բոլոր երկրները միակարծիք են մի շատ կարևոր հարցում. եվրոպական ընդլայնման նախագիծն այն կդարձնի ավելի միասնական, ավելի բարգավաճ և ավելի ապահով: Միևնույն ժամանակ, կարևոր է հասկանալ, որ մենք վարում ենք այս բանակցությունները Եվրոպական հանձնաժողովի հետ, որոնք շարունակական են, և մենք ունենք անհրաժեշտ աջակցություն»,- պարզաբանել է վարչապետը։
Ավելի վաղ տարածվել էր տեղեկատվություն այն մասին, որ ԵՄ-ն պաշտոնապես կսկսի բանակցությունները Մոլդովայի և Ուկրաինայի հետ Եվրամիությանն անդամակցության շուրջ հուլիսի 25-ին:
