Երկրորդ համաշխարհային պատերազմից մնացած ռումբը խախտել է Բեռլինում գնացքների տեղաշարժը
Գերմանական Der Tagesspiegel թերթի փոխանցմամբ՝ Բեռլինում խաթարվել է գնացքների շարժը, ինչի պատճառ է հանդիսացել կենտրոնական կայարանին հարակից փողոցում Երկրորդ համաշխարհային պատերազմի ժամանակվանից մնացած ռումբի հայտնաբերումը:
Գերմանական Deutsche Bahn երկաթուղային ընկերության ներկայացուցիչները հայտնել են, որ հեռու ընթացող գնացքները ժամանակավորապես կանգ չեն առնելու կենտրոնական կայարանում և որ նրանց համար մտածվել են այլընտրանքային երթուղիներ:
Այդ սահմանափակումը չի առնչվել քաղաքային էլեկտրագնացքներին: Ներկայումս պայթյունի գծով փորձագետները որոշում են հայտնաբերված ռումբը վնասազերծե՞լ տեղում, թե՞ այն դուրս բերել քաղաքի խիտ բնակեցված շրջաններից:
100 կիլոգրամանոց այդ ռումբը հայտնաբերվել է երեկ: Նշվում է, որ Բեռլինի կենտրոնական կայարանն օրական ընդունում է մոտ 700.000 ուղևորի: Օրական նրանով է անցնում մոտ 1100 գնացք:
