X սոցհարթակը Թուրքիայում ներկայացուցչություն է բացել
![](https://168.am/wp-content/uploads/2024/05/imgonline-com-ua-Resize-em2VdFYFpPiQi.jpg)
Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն հայտնել է, որ ամերիկյան «X» (նախկին Twitter) սոցհարթակը Թուրքիայում ներկայացուցչություն է բացել:
Տեղեկությունն Ուրալօղլուն հանրությանը փոխանցել է X-ի իր սոցհաշվում կատարած գրառմամբ:
«Մենք ջանում ենք պահել մեր երկրի կանոնների կատարումն ու ազգային շահերը: Մենք ցանկանում ենք, որ բոլոր այս հարթակները մեր երկրում անպայման ներկայացուցիչներ ունենան կամ ներկայացուցչություններ բացեն»,-ասել է նա: