Թուրքիայի և Ղազախստանի միջև առևտրաշրջանառությունը հասել է 10 մլդ դոլարի
Թուրքիայի խորհրդարանի (մեջլիս) նախագահ Նուման Քուրթուլմուշը թուրքական պետական «TRT Haber» հեռուստաալիքի եթերում խոսել է Ղազախստան կատարած այցի մասին: Այս մասին գրում է ermenihaber.am-ը:
Նա մասնավորապես ուշադրություն է հրավիրել Թուրքիայի և Ղազախստանի առևտրատնտեսական ներկայիս հարաբերություններին:
«Վերջին տարիներին շատ լուրջ տնտեսական հարաբերություններ ունենք: Ունենք շուրջ 10 մլրդ դոլարի հասած առևտրաշրջանառության ծավալներ: Այն 15 մլրդ դոլարի հասցնելը նույնիսկ աշխատանք չի պահանջում»:
Ապա նաև հավելել է, որ համագործակցությունն ավելի խորացնելու նպատակով իրականացվելիք ծրագրերի վերաբերյալ քննարկումներ են ունեցել Ղազախստանում:
Հիշեցնենք, որ Նուման Քուրթուլմուշը պաշտոնական այցով Ղազախստան էր մեկնել մայիսի 19-ին: Նա հանդիպել էր Ղազախստանի նախագահ Կասիմ Ժոմարտ Տոկաևի, Խորհրդարանի նախագահ Յերլան Քոշանովի և Սենատի նախագահ Մաուլեն Աշիմբայեվի հետ:
